ပေါင်ပေ့ပါပါးကအရမ်းအစွမ်းထက်တယ်

ပေါင်ပေ့ပါပါးကအရမ်းအစွမ်းထက်တယ်

🍀 Intro


ရွှမ်ယွဲ့ မျက်လုံးပွင့်လာသောအခါ အထက်တွင် အမှောင်ထုကြီးသာ မည်းမှောင်နေပြီး ဘေးနား၌မူ အသားဖြူဖြူကလေးလေးတစ်ယောက် လဲလျောင်းနေလေသည်...

သူ တကယ်ပဲ အချိန်ကူးပြောင်းလာခဲ့တာလား။

Eggplant Novels ပလတ်ဖောင်းတွင် အချိန်ကူးပြောင်းခြင်း၊ စိုက်ပျိုးရေးနှင့် ကျင့်ကြံခြင်းဆိုင်ရာ အခမဲ့ဝတ္ထုအချို့ကို သူ ဖတ်ဖူးခဲ့သည်။

သူ ကံကောင်းတာလား၊ ကံဆိုးတာလား မသိချေ။ အချိန်ကူးပြောင်းခြင်း ခေတ်ရေစီးကြောင်းထဲ အမီလိုက်ပါပြီး ရောက်ရှိလာခဲ့ပြီဖြစ်သည်။

ကဲပါလေ... ရောက်မှတော့ ရောက်လာခဲ့ပြီပဲ၊ အကောင်းဆုံးဖြစ်အောင် ရှင်သန်ရုံပေါ့။

ကမ္ဘာပျက်ကပ်လို အညစ်အကြေးတွေ ပြည့်နှက်နေသည့် နေရာမျိုးမှာ လွမ်းမောစရာဆို၍ ဘာမှမရှိပေ။

ဘာ... ဒါ သူ့ရဲ့ ကိုယ်ပိုင်သားလေးတဲ့လား ??

ဝါး...

ဒါတင် မကသေး၊ သူ့မှာ သဲလွန်စမကျန်ဘဲ ပျောက်ကွယ်နေတဲ့ ခင်ပွန်းတစ်ယောက်လည်း ရှိသေးသတဲ့

ဘယ်လို ဟာသလဲ ??

လိမ္မာပါးနပ်သည့် ကလေးလေးကိုတော့ သူ လက်ခံပေးနိုင်သည်။ စောင့်ရှောက်ထားဖို့ဆိုတာလည်း မဖြစ်နိုင်စရာမရှိချေ။

သို့သော် ခင်ပွန်းဆိုသည့်သူကား ဘယ်သူ့ခင်ပွန်းလဲ ?? လိုချင်တဲ့သူ ယူသွားကြပါစေ

သူ့မှာ ကလေးရှိသည်၊ မြေရှိသည်၊ တောင်တန်းတွေရှိသည်၊ အိမ်ရှိသည်။ ထို့ပြင် သုံးမကုန်နိုင်သည့် ပိုက်ဆံများလည်း ရှိသေးသည်။ မည်သည့် ရောဂါကြောင့် ထိုသည်များအား တခြားသူနှင့် ခွဲဝေသုံးစွဲချင်လောက်အောင် အသည်းအသန်ဖြစ်ရမည်နည်း။

တစ်နေ့တွင် စွဲမက်ဖွယ်ကောင်းလောက်အောင် ချောမောသည့် ထိုအမျိုးသားကိုတွေ့လိုက်ရသည့် အချိန်အထိပင်။ ထိုအခါမှသာ သူ့အတွေးများ မှားယွင်းသွားခဲ့ရတော့သည်။

"ရင်တွေ တဒုန်းဒုန်းခုန်နေတာပဲ၊ ဒါက ငါ သူ့ကို သဘောကျမိသွားတာလား..."

လင်းဖန်ဖန် "ဒီဦးလေးက ဘယ်သူလဲ"

ကူးမိုချန် "လေးနှစ်ခွဲခွာခဲ့ပြီးတဲ့နောက်မှာ ငါ အဖေ ဖြစ်သွားပြီပေါ့"